ازاى تعملى بزنس لايق عليكى تحققى منه ارباح وتساعدى بيه اكبر عدد من الناس؟ شوفى الشجرة دى

ازاى تعملى بزنس لايق عليكى تحققى منه ارباح وتساعدى بيه اكبر عدد من الناس؟

 

الاصل هو انك تعملى البراند بتاعك يعنى تاسسى الاول ماركتك الشخصية فى البزنس ده وتحت مظلة البراند اعملى كل حاجه ليها علاقة بالبزنس اللى لايق عليكى ده : زى منتجاتك وخدماتك وغيره

 

البراند ده عامل زى جذورالشجرة دى ؛ من غيره البزنس بتاعك هيقع وهتخسرى كتير..!

جذور الشجرة هى البراند (ماركتك الشخصية)

اللى هى اصل باقى مكونات الشجرة (الجذع والاغصان والاوراق الخضراء)

 

**جذر الشجرة (البراند) بيطلع منه :

 

*الجذع : اللى هو قصتك : يعنى انتى مين؟ وبتقدمى ايه للناس؟ وبتعملى كده ليه

ده هتقوليه فى كلمتين زى المثال اللى موجود عندك فى الشجرة التانية

 

*الاغصان : اللى هى الشعار او اللوجو بتاعك والالوان والجملة القصيرة اللى بتعبر عن البزنس اللى لايق عليكى (جملة مختصرة جدا بتعبر عنه)

 

* اوراق الشجر: اللى هى المنتجات والخدمات بتاعتك ، زى مثلا كورسات ، جلسات ، منتجات مادية ، كتب ، استشارات ، سيمنارات ، ورش عمل...الخ

 

تخيلى كده بتعملى منتجات وخدمات وبتحاولى تبيعيها والناس متعرفكيش...هل هيثقوا فيكى ويشتروها منك؟

يعنى مثلا واحد جاى يبيع ليكى تفاح وانتى ماتعرفيش اصلا مين ده؟ وايه هو التفاح ده...وهيحاول يقنعك ان طعمه حلو ومفيد للصحة و...الخ

 

بس انتى معندكيش خلفيه عن البياع ده ومتعرفيهوش ..وكمان ماتعرفيش اصلا ايه التفاح ده وجاى منين (فرضا يعنى انه منتج ومسمعتيش عنه قبل كده) ...

لكن لو انتى عارفه ان البياع ده اسمه فلان ومن الشركة الفلانية وقصة نجاحه اللى خلته يقدر يفتح الشركة دى وان الشركة عبارة عن مزارع وبتنتج التفاح ده

ومن الترويج والتسويق اللى الشركة دى بتعمله ، انتى عندك فكرة هما بيزرعوا التفاح ده ازاى وهل حاجتهم دى اورجانيك ولا لا ...وهكذا ...

 

هاه...

لسه مصممة تبيعى منتجات وخدمات والناس مش عارفين انتى مين وبتبيعى ده ليه؟

ولا الاحسن تاسسى البراند بتاعك وبعد كده تبيعى لما الناس تعرفك وتثق فيكى اكتر؟

 

شاركينى باجابتك على الفيس بوك :)

 

#اعملى_براند_لايق_عليكى

#اعملى_بزنس_لايق_عليكى


التصنيفات


التعليقات

Comment سجل دخولك للتعليق

8-12-2017 - 9:49 AM

Benteleslam40

هو انا مش عارفه انا حبيع ايه اصلا

9-12-2017 - 12:11 PM

rafifkenawi

انا رديت عليكى فى تعليقك السابق ، تقدرى تشوفى ردى