تاكلى وتشربى وبس؟ .....ولاّ تعملى بزنس لايق عليكى وتحققى ذاتك؟

شايفة هرم ماسلو ده اللى فى الصورة؟

انا عارفه انك عارفاه وفاهماه كويس او على الاقل اخدتى فكرة عنه..

لما تعملى بزنس لايق عليكى وتوصلى بيه لاكبر عدد من الناس عشان تساعديهم فى حل مشاكلهم من خلال البزنس ده وتحققى منه حريتك النفسية والمالية

ويكون ليكى بصمة ورسالة فى المجتمع....عارفه مكانك هيكون فين ساعتها فى هرم ماسلو؟

ايوه صح ..مكانك هيكون فى القمة..!

اعلى حاجه فى الهرم !

ليه؟

لان هيكون عندك حاجة ابتكرتيها بنفسك...

يعنى بزنس لايق عليكى انتى

بتحلى بيه مشاكل الناس

زى ما هو مكتوب كده فى قمة هرم ماسلو :)

هرم ماسلو هو نظرية نفسية تدرس تطوّر ونمو الإنسان خلال المراحل المختلفة من حياتِه.

وتناقش ترتيب حاجات الإنسان و الدوافع اللي بتحرّكه

الاحتياجات دى هى بالترتيب :اول حاجة الاحتياجات الفسيولوجية، ودى فى قاعدة الهرم

وحاجات الأمان،

والاحتياجات الاجتماعية،

والحاجة للتقدير،

واخر حاجه هى : الحاجة لتحقيق الذات.

اعرفى نفسك ونقاط قوتك كويس

حوليها الى بزنس لايق عليكى

حلى بالمنتجات والخدمات بتاعتك مشاكل الناس

هتكونى وصلتى لاشباع قمة احتياجاتك ...اللى هى الابتكار وحلول المشاكل

وكمان هتساعديهم وتحلى مشاكلهم

دورى على الناس اللى محتاجة مساعدتك

دورى على اللى عايزين حلول لمشاكلهم..والحلول دى انتى عارفه انها عندك فى منتجاتك وخدماتك

بلاش تروحى لناس مش بتسمعك

بلاش تعرضى عليهم الحلول اللى عندك ، وهما اصلا اقصى احتياجاتهم هى قاعدة الهرم !!!

ازاى؟

ازاى تعرضى ابتكاراتك ومنتجاتك او خدماتك لناس ، كل همها فى الحياة تاكل وتشرب وتروح الشغل وبس ؟؟!!

ازاى تعرضى حلولك اللى هى فى اعلى قمة الهرم .. على ناس اخدوا قرار انهم يعيشوا فى قاعدة الهرم ومايحاولوش يطلعوا لقمة الهرم

ازاى تكلمى مع ناس اخرهم احتياجات فسيولوجية فقط...لأ وكمان تديهم حاجتك بسعر عالى..

هما اساسا مش مقدرين الحلول دى ولا عايزينها

فطبيعى جدا لما تعرضى عليهم حلولك باسعار غالية يرفضوها؛ لان هما اصلا مش جايين يشتروا الحل بتاعك ، دول جايين بدافع الفضووول مش اكتر

ضرورى تحددى عميلك صح

!انتى كده هيجيلك احباط بدرى بدرى وهتقعى فى البزنس من قبل ما تبدئى

مش بس كده ..كمان ثقتك فى نفسك هتضعف اوى وهتصرفى نظر عن تحقيق رسالتك دى وهتدخلى مع الوقت فى صراع نفسى وامراض نفسية...لو روحتى للناس الغلط

دورى على عميلك اللى محتاج حلولك

عميلك... اللى بيسمعك انتى...:)

 

#اعملى_بزنس_لايق_عليكى

#رفيف_قناوى

 

 

 

 

 

 


التصنيفات


التعليقات

Comment سجل دخولك للتعليق

8-12-2017 - 9:47 AM

Benteleslam40

1-هل حضرتك بعد الكورس بتابعيني لحد ما احول موهبتي ل بيزنس؟.
2- وهل بتكتشفي موهبتي؟

9-12-2017 - 12:09 PM

rafifkenawi

اهلا وسهلا ، ايوه بتابعك بعد الكورس لحد ما تحولى موهبتك الى بزنس ، وبكتشف موهبتك ، ليكى استشارة مجانية معايا بعد الكورس وكمان هضمك لجروب فيس بوك عشان نتابع كلنا مع بعض ونفضل مع بعض علطول ان شاء الله :)

29-11-2017 - 10:30 PM

نورة

انا ربت منزل ومشتغلتش قبل كده وعايزه اشتغل على النت من منزلي يدخلي دخل وكمان كيان على النت

7-12-2017 - 3:11 PM

rafifkenawi

اهلا نورة ، ممكن تاخدى فكرة من الفيديوهات المجانية فى الموقع ، او تحجزى معى استشارة ، ارسلى طلبك للاستشارة على الايميل : businessfits@gmail.com