السبب اللى بيخليكى منزعجة من البيع...

زمان لما كنت بشتغل فى المبيعات كموظفة وبكلم مع العميل عشان ابيع منتجات وخدمات الشركة ..كنت بحس بحمل تقيل جدا على قلبى

وبحس انى مخنوقة..

ومضغوطة...

ومصدعة...

وعايزة اخلص من المكالمة دى...

لدرجة ان لو الحوار او المكالمة دى طولت شوية ..كان ممكن اتعصب على العميل جدا

وابوظ البيعة كلها :)

ولما بخلص المكالمة دى واقفل

بشوف اقرب كرسى واروح اعد عليه عشان اريح واخد نفسى !!

وبتكون طبعا ودانى سخنت وبتوجعنى من الموبايل اللى محطوط على ودنى ده

مدير الشركة دخل وشافنى لقى وشى احمر من كتر ما انا مضايقة وحسة بالضغط من البيع

بصلى كده وقالى : "ياااه للدرجة دى؟ ، الموضوع مضايقك اوى كده؟"

الحقيقة وقتها معرفتش ارد عليه...

لكن دلوقتى انا استوعبت كان فيه ايه

قدرت اعرف ايه السبب اللى كان مخلينى مخنوقة ومضايقة بالشكل ده من البيع

عارفين ايه السبب؟

السبب هو انى :زمان لما كنت بابيع ، كنت حاطة فى دماغى انى عايزة اخد من العميل ده فلوس...فلوس وخلاص..

عايزة اخلص البيعة عشان اخد العمولة بتاعتى...

عشان اثبت نفسى..

عشان اترقى واخد درجة وظيفية اعلى..

عشان اكسب فلوس واشترى الحاجة اللى عايزاها او اخد الكورس اللى عايزاه او اطلع رحلة ..او...الخ

عشان...عشان...عشان

فبحمّل نفسى كتير اوى وانا بعمل الموضوع ده فوق طاقتى

لانى بابيع وفى نفس الوقت بفكر فى حاجات مزعجة وقلقانة محققهاش...ده مكانش بيضغط على اعصابى بس...لا كمان بيظهر وبيوصل للعميل ، فاكيد البيعة مش بتم ؛ لان العميل بيحس بكل خنقة انتى حساها وكل انزعاج وقلق عندك تاكدى انه بيوصله ولو حتى بالتليفون

 

دلوقتى...لما عملت البزنس اللى لايق عليا ، اللى هو برضه فيه تسويق وبيع ، صدقونى...صدقونى الفكرة دى اتغيرت تماما ، ادراكى اتغير تماما وبقيت بالعكس...انا بعمل الحاجة اللى بحبها واللى لايقة عليا ، واتعلمت انى اعمل تسويق وبيع بالطريقة الصحيحة واللى لايقة على شغلى ...فبالتالى مش بحط فى دماغى افكار تضغط عليا زى "هاه بقه يالا انا عايزة الفلوس دى انا عايزة العمولة..الخ"، بقيت بشوف البيع من منظور تانى

عارفين ايه هو المنظور ده؟

مساعدة العميل

انى بقيت عايزة اساعده!!

هو عنده مشكلة بيعانى منها ، والحل بتاع مشكلته عندى انا سواء خدمة او منتج بابيعه اوايا كان..

فانا لما غيرت ادراكى ، احساسى اتغير..

مابقتش احس بالحمل load ولا ضغط ولا خنقة ولا اى حاجه من دى

بالعكس..

بقيت مبسوطة اكثر

 اكثرومرتاحة

وعايزة اوصل لاكبر عدد من العملاء عشان اساعدهم اكثر واكثر

 ومن ساعتها بقى كلامى فى  البيع بيطلع منى طبيييعى 

بيطلع منى بثقة عالية اكثر...

بيوصل للعميل ان انا فعلا عايزه اساعده  وانى عايزة اوصل لاكبر عدد من الناس عشان اديهم الحلول اللى عندى اللى ممكن تساعدهم وتحل مشاكلهم :)

 :)ومنهم قالولى كتير:" انتى بتحبى تساعدى واحنا عايزين نتعامل معاكى اكثر!"

يعنى تغيير ادراكى ده طور وحسن من البزنس اللى لايق عليا جدا

مش بس كده...

ده خلانى كمان اعمل بزنس مرتاحة فيه نفسيا

راحة نفسية..وراحة مالية كمان

 الحمد لله حققت المعادلة 

وعملت نموذج عمل "بزنس لايق عليك" واخذت عليه ملكية فكرية

وبدرب الافراد والشركات دلوقتى ازاى يقدروا يحققوا المعادلة دى

ويعملوا بزنس لايق عليهم

يا ترى البيع عامل معاكى ازاى؟

شاركينى برأيك :)

 

 

 


التصنيفات


التعليقات

Comment سجل دخولك للتعليق

لا توجد تعليقات