ما الفرق بين الدافع والاحتياج فى التسويق؟

ايه معنى "احتياج" العميل؟

وايه الفرق بين كلمة "احتياج" وكلمة " دافع" ؟

وهل ممكن يكون فيه احتياج واحد وراه دافع واحد بس؟

ولا ممكن احتياج وراه دوافع كتيرة؟؟

"الاحتياج" : الحاجه اللى العميل بيطلبها وبيقولها

"الدافع" الحاجه دى اللى بيطلبها هو العميل عايزها ليه؟...كده انا بسال عن الدافع اللى ورا الاحتياج ده

 

مثال: "زوجة عايزة توفر فى مصاريف البيت"

الاحتياج هنا هو : التوفير

ليه عايزة توفر؟ ايه الدافع بتاعها اللى ورا التوفير؟

الاجابة : عشان تدفع مصاريف المدارس لاولادها

ممكن يكون فيه دوافع كثيييرة لاحتياج واحد فقط

زى مثلا دافع : انها تكون ست بيت شاطرة والناس تقول عليها كده وخصوصا زوجها :)

او دافع زى : انها توفر وتشترى لنفسها مستحضرات تجميل زوجها مش قادر يجيبهالها :)

 

طيب ده هيفيدنا بايه فى التسويق؟؟

 

لا هيفيدنا كتيييير وبشكل قوى جدا لما اكون عايزة اعمل تسويق ودعاية واعلان كمان

وهيفيدنا فى البيع المباشر مع العملاء فى الحوار البيعى ؛ انى بدل ما اركز على الاحتياج ، ادور على الدوافع بتاعة العميل اللى ورا الاحتياج ده ، ممكن كده اقدر اقنعه بان المنتج بتاعى يقدر يوفرله الدافع ده

 

مثال: انا عايز شاى (احتياج)

العميل هنا عايز شاى وانا شركة بتبيع قهوة

هساله : ليه اخترت شاى بالتحديد؟ (ما الدافع؟)

هيقول : انا مصدع وعندى شغل كتير وعايز حاجه تفوقنى

اقول له : طب ايه رايك اجيبلك حاجه تفوقك اكثر من الشاى بكتير؟

يقول : ياريت ، ايه هى؟

اقول له : ايه رايك نشرب قهوة

 

وهكذا

 

#دور_على_الدافع

#اعمل_بزنس_لايق_عليك


التصنيفات


التعليقات

Comment سجل دخولك للتعليق

لا توجد تعليقات