"فى ايامنا هذه

معرفة البعض بطيبك واخلاصك

هو ما يدفعهم لظلمك واستغلالك

ومع ذلك

حافظوا على نقائكم وطيب معدنكم

واكثروا من قول حسبى الله ونعم الوكيل"

منقول

طيب ايه الحل عشان افهم نفسي كويس واعرف توجهاتى ايه فى الحياة ومين الشخصيات المناسبة ليا ؟

فيه حلول كثير جربها ناس كثير ... وجربتها انا شخصيا..

• زى مثلا انى بدات اسمع عن الابراج واقرا فيها كثير ولاقيتها بتقول حاجات فيا وحاجات تانية كثير لا ، وفى الاخر موصلتش برضه لفهم شخصيتى واعرف المناسب ليا كوظيفة والناس اللى اقدر اتعامل معاهم ويفهمونى وافهمهم ، لاقيت ان الابراج فيه منها انواع كتير مختلفة زى الابراج اليونانية والصينية ،  غير دقيقة 

وسطحية فى معرفة الشخصيات ، وكل متخصص فى الابراج دى  بيقول كلام مختلف عن التانى ، كل متخصص بيقول احكام غير التانى ،  وازاى اصلا ملايين البشر المختلفين كلهم يكونوا نفس شخصيات الابراج بدون اختلاف !!  ، فيه مليون واحد اتولد فى نفس اللحظة ونفس اليوم ونفس الاسم كمان ، لكن مختلفين عن بعض ولا يحملون نفس صفات البرج

 الابراج مذكورة فى القران صحيح ، ولكن غير مذكور بالقران ان لها علاقة بتحليل الشخصيات

وكمان مفيش حاجه اسمها علم الغيب والتنجيم ، فلا احد يعلم الغيب الا الله سبحانه وتعالى ، وحتى لو افترضت ان الابراج صحيحة فى تحليل الشخصيات ، فقد تم تجربته وكثير من الناس اجزموا انها غير دقيقة واغلبهم من قال انها عكس شخصياتنا تماما !

• جربت اشترك فى الاختبارات المجانية على المواقع الالكترونية والفيس بوك وكنت مبسوطة بيها جدا ، بس اكتشفت ان         كل صحابى طلعلهم نفس النتيجة ! وادركت انها مجرد العاب للتسلية ووضع الاعلانات فقط 
• اخدت كورس  فى تحليل الشخصية ، استفدت منه بس حسيت انى عايزة اتعمق اكتر فى تحليل شخصيتى
• كمان كورس تانى بس مكانش فيه تطبيق عملى
• جربت اختبار نفسى مدفوع واستفدت منه نوعا ما ، بس حسيت انه ناقص مش كفاية ،
• عملت اختبار تانى ، بفلوس برضه ، واختبار ثالث واختبار رابع ، كلهم بالدولار...
•  لكن للاسف كل اختبار عملته لاقيت فيه نفس المشكلة ....

                   انه ناقص .. مش كفاية 

ايه السبب؟

ليه اختبار شخصية او كورس واحد تاخده مش كفاية؟

• لان فيه جوانب كتير فى الاختبارات والكورس لم يتم التطرق اليها ومقدرتش اعرف ايه ميولى وتوجهاتى فى الحياة ،     وايه   هى المهنة المناسبة ليا واتعامل ازاى مع نفسي

• فيه اختبارات شخصية بتكون غير دقيقة ، وتمتلك معايير واسعة ومتنوعة فتكون نسبة الدقة بتاعتها منخفضة وبالتالى النتيجة هتكون غير دقيقة وعامة اكثر ، يعنى الاختبار مش هيقدر يطلع نتيجة دقيقة متفصلة على كل واحد بالضبط !

• كمان كانت المشكله ان احيانا بنجاوب على الاختبار واحنا مزاجنا سلبى فى الوقت ده ،  او مرهقين فبنجاوب اى اجابة وخلاص ، او حتى عايزين نكون مثاليين فبنختار اجابات مثالية ومرغوبة اجتماعيا لابراز ذاتنا ،  بعيدة تماما عن شخصياتنا الحقيقية ، وده طبعا بيؤثر على دقة اختياراتنا فى الاختبارات دى

• الكورس اللى اخدته استفدت منه بس معلوماته كانت قليلة بالنسبة لى وكنت محتاجه اتعمق اكتر فى نفسي
• اخدت كورس تانى ، كان كويس ، بس كان برضه عندى اسئلة كتير محتاجه اجاباتها ،

               ومكانش فيه تطبيق عملى فى الكورس ولا متابعة

عملت ايه ؟

     روحت اخدت كورسات ودبلومات كبيرة  ، بمبلغ وقدره عشان يكون فيها متابعة وتطبيق ، كانت كتير جداااا فى التحليل النفسي         وتحليل الشخصيات والميول المهنية ، واخدت دبلومات نفسية كتير من جامعة عين شمس وجامعات اخرى دولية ، وعملت اختبارات   شخصية واستشارات مع متخصصين كثير ، عرب واجانب ، وقرات كتب كتير جدا عربية وانجليزية ، ودفعت فلوس كتير اوى فى     القصة دى..

لحد ما الحمد لله  قدرت افهم شخصيتى بدقة  ، وعرفت المهنة المناسبة  ليا ، والشخصيات المتوافقة معايا ، وطورت من نفسي كثير شخصيا ومهنيا ، 

والحمد لله عملت شفت كارير من هندسة الى ارشاد نفسي واسرى ومستشارة مهنية ومدربة معتمدة دوليا ومن جامعة عين شمس

وعندى دلوقتى خبرة اكثر من 10 سنين فى المجال ، وقدرت احلل شخصيات ناس كثير بمنتهى الدقة وساعدتهم انهم يختاروا المهنة المناسبة ليهم وكمان الشخصية المناسبة ليهم اللى ممكن يرتبطوا بيها وتكون شريك الحياة اللى هيكمل معاهم فى مودة ورحمة